құрлықтағы әскердің әуе шабуылына қарсы қорғаныс әскерлері

(Войска ПВО сухопутных войск)

құрлықтағы әскердің құрамаларын және бөлімдерін, бөлімшелерін және олардың тылын әуе қарсыласы қимылынан бойтасалауға арналған әскер түрі. Құрлықтағы әскерді әуе шабуылынан қорғау әскері зениттік, ракеталық, зениттік артиллериялық және радиотехникалық бөлім және бөлімшелерден тұрады. Жойғыш авиациямен өзара тығыз қимыл жасай отырып, бұл құрамдар мотоатқыштар, танкілік, ракеталық бөлім мен бөлімшелерді сенімді және тұрақты түрде қарсыластың әуе шабуылынан бойтасалауға қабілетті және олардың дер кезінде ұйымдасқан түрде ұрысқа кіріп, алға қойған міндеттерді орындауына жағдай жасайды.